நீங்கள் தேடியது "அந்தேரி பாலம் விபத்து"

மும்பை:

மகாராஷ்டிரா மாநிலத்தின் பல பகுதிகளில் கனமழை பெய்து வருகின்றது. மும்பை அந்தேரி பகுதியில் உள்ள மேம்பாலத்தின் பக்கவாட்டு பகுதி இடித்து கீழே உள்ள ரெயில் பாதையில் விழுந்தது. இதனால், உயர் மின்னழுத்த கம்பிகள் அறுந்து கீழே விழுந்தன. 

மின்சார கம்பிகள் அறுந்து விழுந்த நேரத்தில், அந்தேரி ரெயில் நிலையத்தில் இருந்து புறப்பட்ட பயணிகள் ரெயிலை ஓட்டி வந்த டிரைவர் சமயோஜிதமாக செயல்பட்டு, ரெயிலை உடனே நிறுத்தினார். இதனால், பெரும் அசம்பாவிதம் தவிர்க்கப்பட்டது. இந்த விபத்து தொடர்பாக விசாரணைக்கு உத்தரவிடப்பட்டுள்ளது.

சாமர்த்தியமாக செயல்பட்ட டிரைவருக்கு ரூ.5 லட்சம் வெகுமதி அளிக்கப்படும் என ரெயில்வே மந்திரி பியூஷ் கோயல் அறிவித்துள்ளார். இடிந்து விழுந்த பாலம் கடந்த இரண்டு மாதங்களுக்கு முன்னர் ஆய்வு செய்யப்பட்டு, நல்ல நிலையில் இருப்பதாக சான்றிதழ் அளிக்கப்பட்டது குறிப்பிடத்தக்கது.